Sunday, July 21, 2024
Homesliderதலையங்கம்

தலையங்கம்

வழக்கமான இதழ்களுக்கும் சிறப்பிதழ்களுக்கும் ஒரு அடிப்படை வேறுபாடு இருக்கிறது. வருகின்றவற்றில் தேர்வு செய்யும் முறை கிடையாது, அது முழுக்க முழுக்க கேட்டுப்பெற வேண்டும். அதுவும் தமிழ்புலத்தில் மிக பலஹீமான துறைகளில் ஒன்றான இதில், ஒரு குறிப்பிடத்தகுந்த வேலை செய்ய வேண்டுமென்றால் அது அசாதாரணமானது.

இந்த இதழ் இரு பாகங்களாக வெளிவருகிறது, அப்படிக் கொண்டு வந்தால் மட்டுமே இந்த இதழ் சாத்தியம் எனத் தோன்றியது. இதற்கு முன்னரே மாற்றுவெளி உள்ளிட்ட வேறு சில இதழ்கள் இந்த வடிவம் பற்றி பங்களித்து இருந்தாலும். இந்த இதழில் சிறப்பு பெரும்பாலான நபர்கள் கிராஃபிக் நாவல் மீதான அதிகப் பரீட்சயம் அல்லது இதற்கு முன்னர் வாசித்தேயிராதவர்கள். ஆனால் அவர்கள் எழுத்துத்துறையில் இலக்கியத்தில் பெரும் நம்பிக்கையை ஏற்படுத்தியவர்கள். அவர்கள் காமிக்ஸ்/கிராஃபிக் நாவல் வடிவம் குறித்து சில விவாதங்கள் செய்து, சில முடிவுகள் எடுத்து, முக்கியமாக புத்தகங்களை விலை கொடுத்து வாங்கி, கட்டுரை வழங்கி, அதை மீண்டும் மேம்படுத்தி என நிறையவே சிரமப்பட்டார்கள். அதே சமயம், மிக முக்கியமாகப் பங்களிக்க வேண்டியவர்கள் சிலரது சூழல் காரணமாக இன்னமும் சிறப்பாகக் கொண்டு வந்திருக்கலாம் என்கிற ஆதங்கமும் வராமலில்லை. அதனால் தான் இந்த இதழ் வெளியாகி அடுத்த பாகத்தில் எழுதுவதற்கான தூண்டுகோலாக அமையும். அந்தத் தூண்டலை வாசகர்களாகிய உங்கள் கருத்துகள் செழுமை சேர்க்கும்.

அடுத்த பாகம் இன்னும் மிகச் சிறப்பாக ஆளுமைகளின் நேர்காணலோடும், கட்டுரைகளோடும் வெளிவரும் என நம்பிக்கை தெரிவிக்கிறேன். இந்த இதழுக்காகக் கடுமையாக உழைத்துக் கொண்டிருக்கும் இந்த இதழின் பொறுப்பாசிரியர் : வேதநாயக் அவர்களைப் பாராட்டியபடி விடைபெறுகிறேன்.

(இந்த இதழ் – புத்தகமாகும் வாய்ப்பை உங்கள் ஆதரவைக் கருத்தில் கொண்டு முடிவெடுக்க உதவும்)

அன்புடன்

ஜீவ கரிகாலன்
சென்னை
08/11/22

RELATED ARTICLES

LEAVE A REPLY

Please enter your comment!
Please enter your name here

Most Popular