Welcome to Delicate template
Header
Just another WordPress site
Header

அடுத்தடுத்து அனுப்பப்பட்ட இரண்டு ஸ்மைலிகளின் நிகழ்வு

October 1st, 2016 | Posted by admin in கவிதை

அடுத்தடுத்து அனுப்பப்பட்ட இரண்டு ஸ்மைலிகளின் நிகழ்வு

நிகழும் அன்பிடம் பதில்களேதுமில்லை
வாசித்துகொண்டிருந்த விதையை போட்டுவிட்ட அணில் ஒன்று
அரவத்தில் முளைத்த உனது கேள்விமரத்தின்
புறமுதுகில் சுழன்று உயர்கிறது

நிகழும் முத்தத்தில் வகைமையில்லை
உன் உதடுகள் சுதாரிக்கும் போது
கோரைப்பல் பட்டு கீறிய கோட்டில்
வெல்வெட் பூச்சிகள் ஊர்கிறது

நிகழும் காத்திருப்பில் எதிர்பார்ப்புகளில்லை
கனவிலிருப்பவனை திடுக்கிட செய்யும் உனது அண்மை
கனவின் ஒரு மிடறை பருகும்படி பரிசளிக்கிறது

அழைப்பு கூட வெறுமனே நிகழ்கிறது
ஒரு ஸ்மைலியில் ஆரம்பித்து
அடுத்தடுத்து அனுப்பப்பட்ட
இரண்டு ஸ்மைலிகளில் முடிகிறது.

அன்பில் கேள்விகள் நடுசாலையில் நடப்படுகிறது
சட்டென்று அது இடைநிறுத்தும் போது
நான் கடந்துவிடுகிறேன் உன்னை.

பிறகு சடைத்து பூக்கும் எனக்கான காத்திருப்பை
உருவி கொட்டுகிறது அந்த அணில்.

***
அண்ணல்

annal.kavithai@gmail.com

You can follow any responses to this entry through the RSS 2.0 You can leave a response, or trackback.

Leave a Reply

Your email address will not be published. Required fields are marked *


*

Powered By Indic IME