5. தீர்ப்பு

0

முன்பொரு காலத்தில் ஒரு மந்திரவாதி – 05

கதை : பாபாகா ; ஓவியம் : கணபதி சுப்ரமணியம்

Description: s05_01.jpg

முன்பொரு காலத்தில் ஒரு மந்திரவாதி இரண்டு வேதாளங்களுக்கு நடுவில் பஞ்சாயத்து செய்ய அழைக்கப்பட்டிருந்தான்.

போகும் போது குறுக்கே பூனை ஓடியது.

கருடன் அவரோஹனத்தில் கத்தினான்.

சூரியனும் பிறையும் சேர்ந்து உச்சிக்கு ஏறுவதைப் போன்ற ஒரு நிமித்தம்.

Description: s5_02.jpg

பலா மரம் பாம்படங்கள் பல அணிந்த சூனியக்காரியைப் போல் வெளிப்பட்டது.

கால் கட்டைவிரல் இடிபட்டு நகம் மடையைப் போல் குருதி திறந்தது.

Description: s5_03.jpg

இதையெல்லாம் மீறி புறப்பட்டவனை அவன் மகன் மறித்து ‘அப்பா எந்த வேதாளத்துக்கு சாதகமா தீர்ப்பு சொல்லப் போற’ என்று அதட்டினான்.

‘டேய் வேதாளம்லாம் உண்ம கிடையாதுனு எத்தன தரவ சொல்லிருக்கேன்?’ என்று கண்டித்தான் மந்திரவாதி.

‘தனக்கு சாதகமா தீர்ப்பு வரது தான் சரினு நேத்திக்கு அதுங்க என் கிட்ட தனித்தனியா வந்து பொலம்புதுங்க, அதான் நைநா சொன்னேன்’ என்றான் மகன்.

இரண்டு வகையான வேதாளங்கள் உள்ளன ஒன்று உதை-வேதாளம், இன்னொன்று கதை-வேதாளம்.

Description: s5_04.jpg

தனக்கு முந்தைய வேதாளத்தை உதைத்து துரத்தி மரத்தில் குடியேறுவது உதை-வேதாளம்.

மரத்தின் கதையை ஆதியிலேந்து அறிந்து வைத்துக் கொண்டு இது என் மரம் தான் என்று உரிமை கொண்டாடி முந்தைய வேதாளத்தை துரத்துவது இரண்டாம் வகை கதை-வேதாளம்.

ஒரு முருங்கை மரம், ஒரு உதை-வேதாளம் ஒரு கதை-வேதாளம் இது தான் பஞ்சாயத்து.

*******

கருத்துகளுக்கு :

கதை : பாபாகா – [email protected]
ஓவியம் : கணபதி சுப்ரமணியம் – [email protected]

LEAVE A REPLY

Please enter your comment!
Please enter your name here