ஆறுமுகம் முருகேசன் கவிதைகள்

1

காகிதத்திலிருந்து  துள்ளிக்குதிக்கும் எறும்பு

காலத்தின் துளைகளில்
ஒப்படைக்கும்
நீர்ப்பரப்பு மீன்களென
சொற்களின் வயிற்றிலிருந்து குஞ்சு போட்டுக்கொண்டிருக்கிறது
நொதித்துப் புரளும்
தீராப் பிரியம்
அல்லது
சாத்துயர்

***

துரிதம்

கழுத்தறுக்கப் புறப்படும் முன்
வாசலுக்கு வெளியே அழைப்புமணி இருக்கும்
அழுத்தினால்
அது பூனையின் குரலிலோ குருவியின் குரலிலோ
சப்தம் எழுப்பும்
என்பதை மாத்திரம் நினைவில் வைத்துக்கொள்ளுங்கள்

***

சாம்பல் சூடு

வழிவிடும்படியானதொரு கட்டளையில்
சிவந்து இறங்கிக்கொண்டிருக்கிறது
அந்தி விண்

கவனியாது அல்லது எதிர்த்ததுபோல்
நின்று சீண்டிப்பார்க்கும்
ஆளுயரச்சுவரில்
நினைவள்ளிப் பருகித்துடிக்கிறது

மனுஷபூதம் பிறகு அதிர்வின் பாதம்

***

–ஆறுமுகம் முருகேசன்

1 COMMENT

LEAVE A REPLY

Please enter your comment!
Please enter your name here